Deputeti socialist Ben Blushi tha se edhe tërheqja e deputetit Namik Dokle nga gara për kryesinë e PS-së, ishte për pakënaqësi ndaj drejtuesve të PS-së, pavarësisht se ky I fundit shprehu motive të tjera.
“Dua t’i falënderoj Dadën e Doklen, të dy u tërhoqën për të njëjtat arsye, edhe pse nuk i thanë kështu si po i them unë, nuk pranuan të jenë pjesë e lavatrices së mediokritetit, për arsye themelore, se e dinë që socialistët e vërtetë s’mund të jenë dakord me këtë manipulim votash, heqjen e të drejtës së garës, mediokritet monumental rilindja, ka shumë shqiptarë që s’më besojnë e thonë që s’kam të drejtë, por do binden se ky po e shkatërron vendin dhe s’po i garanton asgjë, as hapje vendesh, pune, po e zhyt ne borxh e korrupsion dita ditës”, tha Blushi.
Por Dokle deklaroi se u largua për shkak se kërkonte të lironte vendin për të rinjtë. “Kam 25 vjet që jam në kryesi dhe nuk kam lëvizur, kam qenë i vetmi që nuk kam lëvizur, dua që t’i lë rrugë të rinjve. Por një këshillë kam për të rinjtë, se PS është bërë tashme me tre breza, brezi i themeluesve, brezi i mesëm dhe brezi i ri, këshilloj që brezi i mesëm të mos largojë brezin e parë, të vjetër, por as mos t’i mbyllë derën brezit të ri”, tha Dokle.
Pavarësisht pamjes, tërheqja e dy anëtarëve të kryesisë nga gara paralajmëron probleme të reja në PS. Lista përfundimtare e kryesisë do të tregojë nëse lëvizja e Blushit do të furnizohet me deputetë të tjerë socialiste duke u kthyer kështu lëvizjen Blushi në “partinë” e katërt parlamentare në vend, me më shumë se 5 deputetë.
Më poshtë deklarata e Blushit para gazetarëve:
Cili është mendimi juaj pas propozimeve të Ramës për kryesinë dhe sekretariatin?
Ata janë lavatricja më e madhe, është Rilindja e unë s’mund të isha pjesë e kësaj, njerëzit janë futur në Kryesi duke mbushur votat, e dyta duke bërë tender, kush shan më shumë oponente brenda partisë hyn në Kryesi. I vetmi propozim që ka bërë Rilidnja në tre vjet, propozim ekonomik është si të legalizohet kanabisi, këta janë rilindësit, ashtu si e kam thënë janë krenaristë dhe kanabistë, krenaristë janë ata që janë krenarë për gjithçka, kurse kanabistë besojnë se vendi mund të ketë ekonomi të zhvilluar, të hapë vende pune, duke na cuar në ara të mbjellim kanabis, unë s’mund të isha pjesë e kësaj.
Cfarë mendoni për propozimet e emrave të rinj?
Ka marrë vartësit e vet i ka kthyer në Kryesi, vartësit e tij në punë të tjera, në pishina e hamame e palma i ka bërë pjesë të kryesisë, njerëzit që mbushin vendin me pishina e palma, që menaxhojnë ilaçet e fukarenjve apo ndricojnë stadiume i ka futur në Kryesi, është lavatricja e mediokritetit të partisë.
Socialistët e vërtetë dolën nga kryesia me vullnet, i përgëzoj, rilindja u bë kryesia e PS, kjo është gjëja më e turpshme, uzurpimi i një partie në mënyrë vulgare i ngjan shesheve që po bën Rama që duken si tualete e viteve 91,
Jeni për të krijuar një parti te re politike?
Shqipëria po e mendon këtë gjë më shumë se unë, se si të gjejë një rrugë nga PD dhe nga Rilindja. ju doni një exit nga rilindja dhe PD, të dyja fatkeqësi kombëtare, njëra do të armatosë vendin, tjetra po shkatërron ekonominë dhe të vetmen mënyrë e gjen te kanabisi, është parti kanabiste. vendi ka nevojë për një ofertë të re, nuk e di kush do t’ja japë, do e gjejë rrugën.
Do votoni sot?
Nuk mund të votojë, nuk dua t’ja jap këtë kënaqësi, për kë të votoj, për rojet e spitalet, për këta që bëjnë sheshe me pllaka majolike, s’mund të votojë për mediokrit që duan ta mbushin vendin me kanabis
Cfarë mendoni për propozimin për Kokëdhimën si sekretar?
Ka 30 vjet që pret të rikthehet më në fund Rama ia dha mundësinë, ka qenë dikur sekretar dhe u rikthye prapë, unë kam dalë në 90 si student, këta gjetën mundësi të riktheheshin mes rilindjes, nuk votoj, le ta vazhdojnë rrugën drejt kanabisit dhe asgjëse.
Shqiptarët e kanë të qartë cfarë po ndodh sot, marrja pa votë e një partie normale, ka akoma kriminelë në asamble, shkoni merrni cfarë ka thënë ambasada amerikane, palë me krimin, u votua dekriminalizimi, keni parë ndonjë të largorhet, kryetarë bashkie nuk ikën, asnjë nuk iku.
As për Ruçin nuk votoni?
Nuk do votoj fare sot, për askënd, që edhe pse shumicën i konsideroj mediokër elitarë, të gjithë ata që kanë amnistuar për të marrë një vend pune te asambleja e Rilindjes heqjen e votës së lirë dhe mbushjen e kutive, nuk jam dakord, përfshirë dhe zotin Ruci po të doni, që pas 25 vjetësh duhet të thoshte të vërtetën.
