Edi Rama është kthyer në një objekt talljesh e shpotirash me koshin apo fushën e basketbollit në kryeministri.
Konstatimi vjen nga ish-kryeministri Sali Berisha, sipas të cilit me këto akte ai dëshmon psikologjinë anakronike, duke i kthyer ndërtesat, pronë shtetërore, në pronë personale.
Postimi i plotë i Sali Berishës në “Facebook”
Piktori dështak, kok bosh me kosh basketbolli në zyrë!
Të dashur miq, piktori dështak ka zgjedhur si rrugë për të mbuluar mashtrimet e mëdha elektorale dhe dështimet e tij të thella me shkarravinat e tij, apo sajesa të tjera banale siç është koshi i basketbollit në zyrë apo në oborrin e brendshëm të kryeministrisë.
Me këto veprime ai është bërë tashmë objekt talljeje publike dhe shpotirash ndërkombëtare. Me këto akte vulgare, piktori dështak veçse dëshmon psikologjinë atërore anakronike, sipas të cilës edhe ndërtesat pronë shtetërore janë pronë personale e tij dhe ai mund të bëjë me to çfarë ti thotë mendja e tij e sëmure!
