Kryetari i PS-së ka lajmëruar fitoren e tij në referendum edhe pse votat ende nuk janë numëruar dhe nuk ka rezultat zyrtar të pjesëmarrjes nderkohe qe ne votim jane perfshire edhe minorenë. Referendumi është kontestuar nga kundërshtarët e tij si dhe janë shënuar shkelje të rënda të rregullave statutore të PS-së në rastet e votimit brenda partisë.
Ekipi i Ramës ka shtyrë në votime edhe fëmijë.
“I falenderoj me dashuri dhe respekt që të gjithë, nga 90 vjeçarët që ishin dëshmia më emocionuese përpara kutive të votimit, deri tek 16 vjeçarët që janë dëshmitarët më të rinj, të të parit referendum partiak në Shqipërinë e këtyre 25 vjetëve”, shkruan Rama në një postim.
“As unë e as shumica dërrmuese e shokëve e shoqeve të trupës drejtuese të PS, nuk kemi dyshuar asnjë çast se anëtarët e familjes sonë politike që, bashkë me qindramijëra qytetarë të tjerë, na dhanë besimin dhe privilegjin e jashtëzakonshëm, për të drejtuar qeverinë e Shqipërisë pas fitores së zgjedhjeve të 23 qershorit, e kanë mirëkuptuar e mbështetur plotësisht mosmbajtjen e zgjedhjeve për kryetar partie pas marrjes së detyrës së kryeministrit nga ana ime. Por referendumi i sotëm, e konfirmoi katërcipërisht bindjen tonë, ashtu sikundër mbështeti me një “PO” shumë të fuqishme, vendimin e kongresit të ri për ndryshimin përkatës në statutin e Partisë Socialiste, lidhur me mandatin e kryetarit kur ky i fundit ka edhe detyrën e kryeministrit”, thekson kryetari i PS-së, duke çimentuar veten në krye të PS-së dhe duke ua lënë në dorë demokratëve ta shkarkojnë kur ta mundin në zgjedhjet parlamentare të 2017.
