Një ministri të Edi Ramës i vidhet kasaforta me 500 mijë euro në shtëpi

Gazetari Artan Hoxha bëri një deklaratë të bujshme në emisionin të “Pa Ekspozuarit” të Ylli Rakipit në Ora News.
Sipas tij, një ministri i është grabitur kasaforta dhe nuk e ka denoncuar atë edhe pse policia kishte informacione për grabitjen. Ai tha se shpesh zyrtarët nuk kanë bashkëpunojnë me policinë.
“Një ministri iu grabit kasaforta dhe nuk e denoncoi. Ministrit i kanë shkuar, e kanë grabitur. Ka marrë vesh që është grabitur shtëpia e ministrit. Oficeri ka komunikuar me ministrin, që kemi informacion se vila juaj është grabitur. Ministri i ka thënë se jo nuk më kanë grabitur.
Urojmë të marrim vesh përfundimin e hetimeve. Këto lloj grupesh kriminale, synojnë para kesh. Problem për policinë e shtetit, është se ka hasur në kundërshtimin e këtyre zyrtarëve. Policia ka informator.
Ka rrjetin e informatorëve, që e vënë në dijeni se ka ndodhur diçka e tillë. Policia përdor burime të hapura, me pagesë, apo qytetarë. Por, i merr vesh edhe nga grupe kriminale”.
Gazetari Hoxha tha se në 6 muajt e fundit, janë kryer grabitje ndaj 4 zyrtarëve.
“Në 6 muajt e fundit kanë ndodhur 4 grabitje në Tiranë, në komplekse rezidenciale dhe vila luksoze që janë prona të politikanëve. Me letra ata edhe mund ti kenë mbuluar si pasuri, por aty banojnë, në ato raste janë bërë nga grupe kriminale kanë grabitur shuma të mëdha valute në cash, rasti i fundit janë gjetur mbi 500 mijë euro. Është marrë kasaforta 500 mijë euro. Përmenda 4 raste. Një ish-ministër deri në 23 qershor, është grabitur vila e tij.
Per 4 rastet që përmenda po të shkosh në polici ka një raport dhe ka një procesverbal dosje, pavarësisht se hetimi është pushuar, dhe këto janë raste që janë skeduar dhe kur i kam pyetur inspektorët ata thone se nuk jane hetuar per shkak se nuk deklarojne pasi nuk justifikojne parate e grabitura. Rasti më i freskët, deklarata e pasurisë së kryetares  së Njësisë Administrative Roskovec. Ajo thoshte kam 200 milionë euro kesh. Kryetare e Njësisë Bashkiake.


Ne duhet të kemi me pajisje që t’i gjejmë ku i kanë fshehur ka rezidenca aq të mëdha. Ylli nxori një kompleks rezidencial, por a e dini se një qytetar i thjeshtë nuk hyn dot aty. Mua më kanë thënë se ku do shkosh, kë do të takosh.
Kam tentuar të hyjë të Rolling Hills, ato vilat që fillojmë 500 mijë euro deri në 2 milionë euro, pronarët janë deputetë, funksionarë, drejtues të njohur mediatik dhe gjyqtar ose prokurorë. Këta i ke edhe te Laguna Blu dhe te Gjiri i Lalzit. Ti mund të më kontrollosh kur kam mjete të dyshimta apo jo, mjet identiteti po s’më ndal të hyjë nëse është ambient publik, e njëjta gjë te Laguna Blu”, tha gazetari Hoxha.