FOTO/ Ja sportdashësi që humbi jetën dje në Vlorë

Dega e PD së Vlorës ka bërë thirrje sot për të zbardhur misterin e vdekjes së djeshme në stadium të sportdashësit Mikel Selmanaj.
Për vdekjen e tij nëpërmjet një  deklarate për shtyp Partia Demokratike, dega Vlorë, i ka shprehur ngushëllimet më të sinqerta familjes dhe të afërmve të  tij.
Dega e Partisë Demokratike të Vlorës i ka vlerësuar dëshmitë e dëshmitarëve okularë dhe për ti dhenë fuqi ligjore të vërtetës, i ka kërkuar Prokurorisë  së Rrethit  të nis menjëherë hetimet dhe  të zbardhë ngjarjen. Por njëherësh PD -Vlorë nuk ka nguruar  të dënojë edhe neglizhencën e Spitalit Rajonal për mungesën e një autoambulance në stadium.