LETRA/ Tahiri i dërgon Metës komunikatën e policisë dhe i kërkon “të çarmatosë” Strazimirin

Një lajm ka bërë xhiron në mediat on-line sot. Sipas këtij lajmi, Gent Strazimiri, deputeti i pretenduar se ishte në protestën e dy ditëve më parë me armë, ka bërë të ditur se ende nuk ka mbërritur shkresa në adresë të tij, për dorëzimin e armës.
Përpos këtij lajmi dhe ironisë së Strazimirit që e krahasonte ministrin e Brendshëm me Griseldën, mësohet se Saimir Tahiri “ka ngatërruar” adresë dhe shkresën për “çarmatosjen” e Gent Strazimirt, ia ka nisur Ilir Metës. Në këtë shkresë bie në sy, se ajo nuk ishte asgjë më shumë se sa komunikata që shpërndau policia dy ditë më parë për “penalizmin” e 9 deputetëve të opozitës, në fund të së cilës ishte shtuar “kërkesa” për “çarmatosjen” që Ilir Meta duhet ti bëjë Gent Strazimirit.