Kinezët “shtrijnë kthetrat” edhe drejt Tirana International Airport

Pas shitjes së kompanisë Bankers Petrolium pak javë më parë një tjetër koncension pritet të blihet nga kinezët. Tirana International Airoport kompania që ka kontratë koncensionare për menaxhimin e aeroportit të Rinasit është në negociata për tu shitur tek një kompani kineze emri i së cilës nuk është bërë ende publike edhe pse News 24 ka kërkuar informacion tek institucionet përkatëse në lidhje me këtë çështje.
Burime zyrtare nga Tirana International Airport të pyetur në lidhje me këto negociata i thanë News 24 se nuk kanë koment në lidhje me këtë çështje ndonëse pohuan se negociatat me qeverinë shqiptare për rishikimin e kontratës koncesionare po vazhdojnë.
Marrëveshja për koncesionin e Rinasit është nënshkruar në vitin 2004 mes qeverisë shqiptare të asaj kohe dhe kompanisë gjermane. Sipas marrëveshjes së vitit 2004 afati i koncesionit është 20 vjet nga të cilat kompanisë kineze i mbeten edhe 8 vjet të tjera për ta shfrytëzuar aeroportin.