Viktima Alda Canaj
Një ditë pas intervistës ku i burgosuri Marjan Rroku rëfeu vrasjen e dyfishtë të ndodhur më 29 Mars 2001 në emisionin “E diela shqiptare”, te Ardit Gjebres, i menjëhershëm ka qënë reagimi i një prej familjarëve të viktimavë. Morta e Aldës ka reaguar nëpërmjet nje statusi në facebook duke e rëfyer edhe ajo ngjarjen sipas versionit të saj
Ornela Canaj, thotë se e hapa profilin në facebook për të treguar ato që nuk tha autori i krimit në intervistën me Ardit Gjebrenë. Jo pa mëllef ndaj emisionit, Ornela rikujton edhe njëherë ngjarjen e rëndë, ku humbi motrën Aldën dhe nënën Mbarime. “Marjan Rroku vendosi të thotë versionin e shpikur të ngjarjeve, dhe harroi te përmendte se si çdo mengjes ai priste motrën time të vogël te dera e jashtme e shtëpise dhe e përndiqte”, ka thënë ajo.
Statusi i plotë i Ornela Canaj
E hapa kete faqe për të nderuar kujtimin e motrës dhe nënës sime. Pasi pashë intervisten tek “E djela shqiptare” që u dha ne TV Klan ne 28 Shkurt 2016, vendosa të hap kete faqe të tregoj faktet dhe te informoj publikun per te vërtetën e vetme qe qëndron pas vrasjes se pameshire te Mbarime dhe Alda Canaj. Dua t’ju bej te ditur njerezve, se kush eshte ne te VERTETE Marjan Rroku; ai nuk eshte vetem nje vrases, por nje psikopat sadist qe i paramendoi dhe ne mënyre metodike i arkitektoi keto vepra te uleta.
Marjan Rroku vendosi te thotë versionin e shpikur te ngjarjeve, dhe harroi te përmendte se si çdo mengjes ai priste motren time te vogel te dera e jashtme e shtepise dhe e përndiqte. Ai e ndalonte cdo dite Ate, rruges per ne shkolle dhe kur kthehej nga shkolla, për t’i treguar qe ajo ishte e tija dhe ajo nuk duhet t’i drejtonte syte nga asnje mashkull tjetër. Në moshën 27 vjeçare, Rroku, nen shenjestren e armes, e ndaloi Alden e pambrojtur, 16 vjeç duke e detyruar ate me force te vendoste qe ose te shkonte me te, ose do te vdiste.
Rroku nuk ndaloi me kaq, po qëlloi dhe babane tim, dhe na vuri ne shenjester te gjitheve si familje, edhe pse ne nderruam dy shtepi brenda dy muajsh. Rroku i mori cdo grimce te jetes sime motre para se t’a vriste. Per muaj me radhe familja jone u perndoq dhe torturua fizikisht dhe mentalisht nga ky kriminel qe fshihej nen titullin e tij zyrtar si punonjes i ISHKNG-se. Denoncim pas denoncimi ne Rajonin nr.1 e Rajonin nr.2 te policise ne Tirane. Gjashte denoncime te deposituara qe pasqyronin 6 episode te ashpra dhune.
Ne 29 Mars 2001, Marjan Rroku gjakftohtesisht qëlloi shtate plumbat qe vrane mamane dhe motren time. “Ishte nje skenë e tmerrshme”, i tha nje deshmitar policise. Mami qe mundohej te mbronte Alden duke perdorur trupin e saj si mburojë, dhe Alda qe perpiqej ti dilte para mamit qe ta mbronte nga plumbat. Pasi jua mori jeten dhe i la te shtrira njera mbi tjetren ne mes te Pallatit te Sportit, u zhduk paburrerrisht dhe u fsheh ne Amerike, duke u perpjekur t’i shmangej deminit per krimin e pameshirshem qe kreu.
U bene pothuaj 15 vjet qe nga dita qe i pashe mamin e Alden per heren e fundit. Ky monster i ka kushtuar vetem vuajtje e lote familjes sime. U munduam me c’kishim te gjejme drejtesi. Pasi pashe emisionin ne Klan ndihem se mami dhe motra ime u vrane, serish, per here te dyte.
