Përfundon takimi Rama – Meta & Co, asnjë koment. Kush ministër e ka radhën për shkarkim…?!

Ka përfunduar takimi i përjavshëm i aleatëve të koalicionit qeverisë. Pas më se një orë që vazhdoi ky takim, Edi Rama dhe Ilir Meta, por edhe deputetët e ministrat në takim, nuk kanë bërë asnjë koment dhe nuk kanë dhënë asnjë deklaratë, për tematikën e takimit.
Edhe në takimin më të fundit, javën e kaluar, midis aleatëve qeverisë, e njëjta gjë ndodhi. Përfundimi i tryezës nuk kishte asnjë koment apo deklaratë…, por kishte shkarkim ministrash.
Sipas këtij “standardi”, pas heshtjes së sotme, e pritshme është të marrë në përgjigje pyetja, “kush ministër e ka radhë për tu shkarkuar pas tryezës së sotme…?!”.