Edi Rama sulmohet me vezë “e ha” Ermonela Felaj, përfundojnë punimet e sotme të Kuvendit

Edi Rama sulmohet me vezë nga deputetë e opozitës. Sulmi ka ndodhur në përfundim të seancës së sotme e cila ka vazhduar vetëm rreth 10 minuta. Por kryeministri nuk është prekur nga vezët, ndërsa rane mbi ministren Ermonela Felaj.
Ndërkohë, mes protestës së deputetëve të opozitës, deputetët e mazhorancës kanë votuar kalendarin dhe dekretet e presidentit për shkarkim-emërimet e ministrave. Pas kësaj seanca është ndërprerë.
“Do e shohim mandatin, e pa mundur të rrihet bashkë me krimin brenda. Është një betejë që duhet bërë, një situatë e paimagjinueshme. Krizë dhe degradim i Parlamentit.
Nga njëra anë mjerim dhe varfëri e madhe, një papunësi e frikshme dhe një eksod biblik, nga ana tjetër kemi një grup miliarderësh, të personifikuar nga një grup kriminelësh. Do të rishikojë marrëdhëniet me Kuvendin, në se është më mriz të lë mandatin, për të mos qëndruar në një vend me krimin, apo është më mirë të përballem me krimin në parlament”, ka deklaruar Jozefina Topalli në përfundim të seancës së sotme parlamentare.