Sajmir Rrahmani
Një anëtar i Shoqatës së të Verbërve, i akuzuar për rrëzimin e gardhit të “parku i Liqenit, gjatë protestës së dy ditëve më parë nga opozita, është “rrëmbyer” sonte nga polica e Tiranës.
Sajmir Rrahmani, mësohet se është arrestuar pabesisht sot në mbrëmje, ndërsa kishte lënë takim për nesër në ora 10:00 në Komisariatin e Policisë Nr. 1 me Oficerin e Policisë Gjyqësore, bashkë me avokatin e tij, për deklarimet për procedimin.
Sajmir Rrahmani (mbrapa) me Sali Berishën
Denoncimin e ka bërë avokati i tij Altin Goxhaj, i cili akuzon “policët e Tahirit të cilët kishin urdhër ta arrestonin pabesisht me qëllim që ta merrnin dhunshëm në pyetje pa praninë e avokatit. Saimir Tahiri me njerëzit ë pambrojtur dhe të pamundur e tregon trimërinë. Kjo është policia e Tahirit, e pabesë dhe dhjakse, njësoj si ministri që s’duam”.
Ndërkohë, pas këtij arrestimi, të rinj e të reja të FRPD-së, kanë shkuar për të kërkuar informacion te drejtoria Vendore e Policisë së Tiranës.
Të rinjtë e FRPD dhe avokati sonte te drejtoria Vendore e Policisë së Tiranës
Sajmir Rrahmani, 28 vjeç, është njëri prej personave të proceduar, për protestën e cila përfundoi me rrëzimin e gardhit rrethues, te Parku i Liqenit, organizuar dy ditë më parë nga opozita.
Lidhure me këtë protestë, Policia e Tiranës ka referuar në prokurori dosjen në ngarkim të disa prej drejtuesve të protestës së opozitës, kundër ndërtimit te Parku i Liqenit.
Nëpërmjet një njoftimi zyrtar, policia bërit të ditur se, është arritur të bëhet identifikimi i personave përgjegjës.
Sipas njoftimit zyrtar të Policisë së Tiranës
Referuan materialet në Prokurorinë e Rrethit Gjyqësor Tiranë për:
• Enno Bozdo, 43 vjeç, banues në Tiranë, si përgjegjës për mbarëvajtjen e protestës
• Suzana Dimushi, 37 vjeçe, banues në Tiranë
• Ergys Harkanaj, 39 vjeç, banues në Tiranë
Personat e ndaluar
● Petrit Fejzullai, 48 vjeç, banues në Tiranë.
● Hasan Molla, 50 vjeç, banues në Tiranë.
Personat e shpallur në kërkim
• G. Gj., 28 vjeç, banues në Tiranë
• N. B., 49 vjeç, banues në Tiranë
• F. D., 21 vjeç, banues në Tiranë
• S. Rr., 28 vjeç, banues në Tiranë
• Xh. D., 72 vjeç, banues në Tiranë
• I. H., 26 vjeç, banues në Tiranë
