Pogradec, Rezidenca Qeveritare
Specialistët e Seksionit për Krimet në komisariatin e Policisë së Pogradecit, arrestuan në flagrancë
Fatos Afëzi, 48 vjeç, banues në fshatin Vërdovë-Pogradec.
Arrestimi i tij u bë pasi, dje ka tentuar të hyjë në ambientet e Rezidencës Qeveritare në lagjen nr. 1, në Pogradec, duke mbajtur në dorë një thikë.
Fatos Afëzi, ka kundërshtuar me dhunë për shkak të detyrës, dy punonjës të Policisë të Rendit, në momentin kur ata i kërkuan të dorëzojë thikën, duke iu shkaktuar atyre edhe dëmtime të lehta në duar, me thikë.
Materialet i kaluan Prokurorisë të Rrethit Gjyqësor Pogradec, për veprat penale : “Kundërshtimi i punonjësit të policisë së rendit publik” dhe “Prodhimi dhe mbajtja pa leje e armëve të ftohta” parashikuar nga nenet 236/2 dhe 279 të Kodit Penal.
