Heshtja që flet, pas takimit te Vila 30, secili shkon në punën e vet

Ka përfunduar takimi i radhës i tryezës së përfaqësuesve të PS e LSI me në krye Edi Ramën  e Ilir Metën.
Takimi ka zgjatur më se një orë dhe në përfundim të tij, pjesëmarrësit “kanë folur me heshtje”.
I vetmi “prononcim” pas takimit ka qenë një batutë e kryeministrit, sipas të cilit ka paralajmëruar gazetarë se “sot kemi vendosur të mos flasim, pasi kemi vendosur të ndahemi”.
Në takimin e sotëm Edi Rama shoqërohej nga ministri Arne Ahmetaj dhe deputeti Taulant Balla, ndërsa Ilir Meta nga ministrat Ylli Manjani dhe Edmond Haxhinasto, si dhe deputeti Petrit Vasili.
Mësohet se në fokus të takimit ka qenë reforma në drejtësi, ku pjesëmarrësit kanë rënë dakord që reforma të avancojë sa më shpejt, pas mbërritjes së opinionit nga Komisioni i Venecias.