YLLI DYLGJERI/ Nikoll Lesi je i djegur…, se tregove shokët…!

“Zoti Kryeministër !
…Ti e di se nuk jam gazetë pa dokumente, dosje tenderash, privatizimesh, etj, etj pasi edhe bashkë patëm bërë plane në vitin 2004-2005 se si të rrëzojmë një kryeministër si Nano, të kapur nga ‘Koço’ të tjerë. Dhe e rrëzuam!”.
Kështu e mbyll shkrimin e sotëm “Rama mes Linda Ramës, dhe Koços”, botuesi i gazetës Koha Jonë, Nikoll Lesi.
Aauuuu! Je i djegur Nikoll!
I djegur jo si atëherë me zjarr.
Je i djegur si bashkëpunëtor Nikoll. Ke treguar shokët! Nuk e dija Nikoll se ishe edhe ti i përfshirë në grupin për rrëzimin e qeverisë Nano!?
Nuk tradhtojnë mirditorët kështu! Edhe Ali Pashai i kishte bashkëpunëtorët mirditorë. Por vdiqën bashkë me Të, e s’treguan deri në fund. As Unë, bashkëpunëtori yt i vjetër, jo mirditor, nuk tregoj se çfarë planesh kemi bërë bashkë njëherë e një kohë. Pas këtij shkrimi, pyes veten: Të jetë vërtetë? Nikolla ynë i pavarur kolaboracionist për rrëzimin e qeverive? E hapi Vetë Nikolla dosjen? Ky që ka bëre plane për të rrëzuar të majtën dje, e rrëzon edhe sot sërish. Vesi del me shpirtin thonë. E rrëzoi në ‘97, e rrëzoi në 2005, e pse nuk e rrëzon prapë edhe në 2016? Unë jooo, jam për qeverinë në këmbë!
Jo, Jo, je i djegur Nikoll!
Paçka se Gjykata e Lartë po vendos që ta fitosh gjyqin për djegien e gazetës. Këtë herë ka ndërhyrë edhe vetë Sandri. Gojët e këqija thonë se edhe shpërblimi do ndahet 40 me 60, siç ishit në bashkëpronësi një herë e një kohë. Kjo prapë s’më shkon… Ti i ke mbajtur kusuret e Kohës.
Je i djegur Nikoll!
Je i djegur edhe për diçka:
Je i djegur, se tregove Koçon, por dogje veten!