Një grup i vogël qytetarësh kanë protestuar sot para Prokurorisë së Përgjithshme duke kërkuar që prokurori dhe KLD të zgjidhen me votim popullor.
Ata mbanin në duar parulla ku shkruhej se “politika ka dështuar, tani të flasë populli” si dhe “prokurori të zgjidhet nga populli”.
Kjo është hera e parë që ka një protestë që lidhet me cështje të trajtuara nga debati për reformën në drejtësi.
Bie në sy se një nga banderolat ka fotot e Ramës, Berishës, Bashës dhe Metës me logon sipër “të pandehur”, duke i dhënë një kuptim protestës si një zemërim edhe me opozitën.
Disa qarqe afër të majtës po përpiqen që të ngulitin në mendjet e qytetarëve se ndryshimi i qeverisjes nuk sjell ndryshim pasi edhe opozita është njësoj si qeveria.
