Ish-zëvendësministri i Brendshëm Ilirjan Mustafaraj, i dorëhequr sot, besohet se është viktima e parë e “Dekriminalizimit”.
Si një nga ish-zyrtarët e sistemit diktatorial të shembur në vitin 1990, Mustafaraj, ka zgjedhur të japë dorëheqjen. Për 6 vjet me radhë, nga viti 1984 – 1990, ai mbajti postin e zëvendësministrit të Punëve të Brendshme, për Policinë.
Tendencat për ta paraqitur dorëheqjen e Mustafarajt, si për shkak të daljes në pension, nuk është e vërtetë, për deri sa, për një post politik, edhe në rangun e zëvendësministrit, mosha e madhe nuk është kufizim që të ndalon.
Curriculum Vitae
Zoti Ilirjan Mustafaraj u lind në 9 shkurt 1951, në Gjirokastër. Ai është i martuar dhe ka dy fëmijë.
Z. Mustafaraj është diplomuar në degën Inxhinieri Mekanike, në Fakultetin e Inxhinierisë në vitin 1973.
Në vitin 1977, ai kreu një kurs 1 vjeçar për “Shërbim Informacioni” pranë Ministrisë së Punëve të Brendshme.
Në periudhën 1981 – 1984, përfundoi shkollën e Lartë (pa shkëputje nga puna) pranë Ministrisë së Punëve të Brendshme.
Z. Mustarafaj ka kryer gjithashtu një kurs 2 vjeçar për Drejtues i Lartë Administrativ, si edhe disa trajnime në fushën e policimit në Norvegji, Danimarkë e SHBA.
Ka drejtuar nga shkurti deri në nëntor, degën e Qarkullimit Rrugor në MPB, në vitin 1984. Ndërsa nga 1984 deri në 1990, mbajti postin e zv/ministrit të Punëve të Brendshme, për Policinë.
Për 2 vite me radhë ishte Kryeinspktor në Drejtorinë e Trajtimit të Mallrave, pranë Ministrisë së Transporteve.
Në maj 1992, del në asistencë dhe për një periudhë 5 vjeçare ishte Këshilltar pranë një Policie private dhe drejtor i një Autoshkolle private.
Nga shtatori 1997 deri në dhjetor 1998, mban postin e Shefit të Sektorit të Policisë Rrugore. E më pas deri në vitin 2000, emërohet shef i Sektorit Ekonomik në Ministrinë e Rendit Publik.
Nga janari deri në maj 2001, z. Mustafaraj ishte drejtor i Kontrollit Ekonomik Financiar.
Në maj 2001 deri në janar 2003, ishte Drejtor i Antiterrorit në Shërbimin Informativ Shtetëror
Më pas, ai ishte Këshilltar i Ministrit të Rendit Publik, deri në tetor 2003.
Në vitin 2004, ishte Këshilltar i Jashtëm i kompanisë INTERSIG.
Nga 2010 deri në tetor 2013, ishte këshilltar i Ministrit të Brendshëm.
Që nga 5 tetori 2013, është emëruar zëvendësministër i Punëve të Brendshme.
Z. Mustafaraj është hartues dhe zbatues i disa projekteve për plotësimin e kërkesave strukturave të Ministrisë së Rendit Publik me mjete, pajisje speciale etj.
Flet gjuhën Ruse, Italisht dhe Anglisht.
Për më shumë mund të lexoni edhe …
Një Ilirjan ikën, një Ilir emërohet si zëvendësministër i Brendshëm
/web/Nje_Ilirjan_iken_nje_Ilir_emerohet_si_zevendesminister_i_Brendshem_12976_1.php
