FOTO/ Një furgon me 450 kg drogë nga Vlora, bllokohet në Brindisi

Policia vendase ka arrestuar në portin e Brindisit në Itali, shqiptarin me origjinë nga Vlora Perlat Çarçani 47 vjeç me akuzën e trafikut ndërkombëtar të drogës.
Arrestimi i tij u bë sepse, në furgonin që ai drejtonte i tipit “Iveco Daily” i mbërritur nga Shqipëria të martën në mbrëmje janë gjetur 450 kg marijuanë me vlerë tregu 5 milonë euro.
Perlat Çarçani me automjetin e tij ka udhëtuar me tragetin e linjës “Red Start 1”.
Sipas policisë italiane, shqiptari Perlat Çarçani ka udhëtuar tre herë gjatë vitit 2015 në Itali; në muajin shkurt dy herë, e gjatë muajin gusht ka kryer një udhëtim Shqipëri-Itali.
Në momentin e sekuestrimit të lëndës narkotike shtetasi shqiptar ka deklaruar se nuk ishte në dijeni të ekzistencës së drogës brenda furgonit e se po udhëtonte drejt provincës së Pontassieve në Firence e ku do të merrte në dorëzim disa mobilje.
Për këtë punë ai do të paguhej në Shqipëri 250 euro.
Në automjet janë gjetur dhe instrumente e vegla të përdorura për fshehjen e marijuanës.