Ne foto 7 vjecarja qe humbi jeten pas mjekimit
Policia ka arrestuar sot një mejk në Përmet pasi ishte dënuar me 1 vit burg për mjekim të pakujdesshëm.
Mjeku nga Përmeti, Faik Pashollari u akuzua për mjekim të pakujdesshëm, çka shkaktoi vdekjen e një vajze 7- vjeçare, Era Beollari, ngjarje që ndodhi në gusht të vitit 2012.
Gjykata, bazuar në një ekspertizë mjeko- ligjore, të hartuar nga një klinikë private, liroi mjekun me pretendimin se vuante nga shëndeti mendor.
“Prokurori kërkoi të dënohet me burgim të përjetshëm për mjekim të pakujdeshëm. Gjykata thotë se është fajtor, por e dënoi vetëm me një vit. Gjyqtarja Ornela Maqellari është e korruptuar. Ajo pezulloi dënimin me burgim me një periudhë vënie prove për 18 muaj”, u shprehën atëherë familjarët e vajzës.
Një nga faktorët që e ka ndihmuar gjyqtaren të dalë në këtë përfundim, sipas babait të vajzës, Hekuran Beollari, është se vetem disa ditë përpara se të jepej vendimi, në seancë gjyqesore avokati i të pandehurit paraqiti një dokument, i cili e cilëson doktorin e akuzuar si njeri me probleme psiqike.
“Avokati i tij thotë se i pandehuri është psikopat. Dhe gjyqtarja u mbështet në këtë vendim jo në ekspertizën e institutit të mjekësisë ligjore, por të disa mjekëve”, thotë i ati.
Njoftimi i policisë:
Nga ana e Seksionit të Hetimit dhe Parandalimit të Krimit të Komisariatit të Policisë Përmet është bërë kapja dhe ndalimi i shtetasit :
– Faik Pashollari , 66 vjeç , banues në Përmet.
Sipas policisë, mjeku u arrestua pasi :
Gjykata e Apelit Gjirokastër ka vendosur lënien në fuqi të vendimit të Gjykatës së Rrethit Gjyqësor Përmet , e cila e ka dënuar me 1 (një) vit burg për veprën penale “Mjekim i pakujdesshëm ” , pasi :
Në datë 13.08.2012 në Spitalin e Përmetit ku ky shtetas ka qënë me detyrën “Mjek” ,është paraqitur e sëmurë shtetasia E.B , 7 vjeçe, dhe si pasoj e mjekimit të pakujdesshëm nga ana e mjekut, gjatë dhënies së ndihmës së parë shtetasia E.B ka ndërruar jetë.
