REFORMA NË DREJTËSI/ Ironizon MD: Drafti i ekspertëve mund të jetë i PS, por jo i shumicës

Pas opozitës edhe  ekspertët e Ministrisë së Drejtësisë shprehen hapur kundër draftit final të ekspertëve të  nivelit të lartë për reformën në drejtësi.
Burime nga Ministria e Drejtësisë janë shprehur për Ora Neës se ekspertët e nivelit të lartë nuk kanë përfshirë në draft propozimet e bëra një ditë më parë nga ky institucion.
Sipas burimeve drafti i ekspertëve është i njëanshëm dhe qartësisht nuk mund të jetë përfaqësim i shumicës.
“Drafti i ekspertëve të lartë mund të jetë i PS, por jo i shumicës”, kanë ironizuar burimet në këtë ministri.
Ministria e Drejtësisë kërkon që ekspertët t’i përcjellin gjithë propozimet në Komision.