Foto Ilustruese
Një grua është arrestuar sot nga Policia në Tiranë, pasi ka dhunuar ish-bashkëshortin e saj, i cili kishte dy javë që sapo ishte martuar sërish.
E arrestuara është Suzana Agolli (Alushi), 45-vjeçare. Ajo ka shkuar ditën e sotme në banesën e ish-bashkëshortit të saj dhe ka rrahur këtë të fundit.
Ngjarja ka ndodhur në “Rrugën e Dibrës” në Tiranë. Pasi ka ‘mbaruar punë’ me të, Suzana i është kthyer gruas së ish-bashkëshortit duke e kërcënuar.
Para se të largohej nga banesa, ajo i ka marrë me dhunë shtetases E. Zh. 41-vjeçare një varëse floriri. Policia arrestoi Agollin menjëherë pas denoncimit të ish-bashkëshortit të saj G. A. 59 vjeç.
