Specialistët e Seksionit për Hetimin dhe Parandalimin e Krimeve në Komisariatin e Policisë Lezhë , kanë arrestuar dje në flagrancë shtetasin Llesh Noka , 55 vjeç, banues në Lezhë.
Noka, kushëriri i parë i ish-deputetit Arben Noka ka goditur bashkëshorten shtetasen Xh.N. 55 vjeçe, me një thikë buke në pjesën e kurrizit, duke i shkaktuar plagë. Pas mjekimi që ka marrë në spitalin rajonal Lezhë ajo ndodhet jashtë rrezikut për jetën.
Materialet proçeduriale u referuan Prokurorisë së Rrethit Gjyqësor Lezhë për veprën penale Dhunë në familje parashikuar nga neni 130/a i Kodit Penal.
Një ditë më parë Shërbimet e Policisë Rrugore në Komisariatin e Policisë Lezhë kanë bërë arrestimin në flagrancë të shtetasit Besnik Lushi , 47 vjeç , banues në Shkinak Kukës
Lushi në aksin rrugor Rrëshen Milot , tek karburant Toma, Rrëshen, duke drejtuar mjetin Benz është përplasur me mjetin Citroen që drejtohej nga shtetasi A.R. 31 vjeç, banues në Rrëshen. Si pasojë kanë mbetur të dëmtuar lehtë shtetasit D.L., A.M. ,K.M. , A.P. pasagjerë në mjetin Benz.
Materialet proçeduriale u referuan Prokurorisë së Rrethit Gjyqësor Lezhë për veprën penale Shkelja e rregullave të qarkullimit rrugor parashikuar nga neni 290 i Kodit Penal.
