Itali, shqiptari del nga burgu për vrasje, përdhunon rumunen gjithë natën arrestohet sërish

Një shqiptar i liruar nga burgu për vrasje në Itali ka përfunduar sërish në pranga vetëm pak kohë pasi ishte liruar, këtë herë, pasi ka përdhunuar për gjithë natën një femër, nën kërcënimin e një pistolete.
Mediat italiane raportojnë se Astrit Cerhozi e ka marrë femrën rumune në makinë.
“Me një pistoletë e ka detyruar të kryejë seks oral, por nuk është mjaftuar me kaq. E ka marrë me makine dhe e ka përdhunuar gjithë natën në tre zona të ndryshme të Milanos”, raportojnë mediat, duke iu referuar policisë.
Vajza 20-vjeçare, pas natës së tmerrshme që kaloi denoncoi në polici dhe kësaj të fundit iu desh kohë deri sa arriti te autori. Studentja rumune ka treguar se ngjarja ndodhi në 17 korrik, ndërkohë që shqiptari u arrestua më 19 dhjetor.
Shqiptari ishte i liruar nga burgu ku kishte vuajtur dënimin për vrasjen e një bashkëpunëtori gjatë një grabitjeje në një lokal në Itali në 2005.
Vajza përshkroi natën që kishte kaluar dhe përdhunuesin e saj. Policia u vu në ndjekje dhe pas më shumë se 5 muajsh kërkimi e arrestoi atë ndërsa dilte nga berberi. Tani ai është sërish në burg, këtë radhë për përdhunim.