Mashtruesi shqiptar i mori bankës 11 milionë $, dënohet me 25 vite burg

Një 44-vjeçar shqiptar që jeton në SHBA është dënuar me 25 vjet burg pasi mori 11 milionë dollarë kredi me anë të mashtrimeve, gjë e cila ndihmoi dhe në falimentimin më të madh të një unioni kredie në historinë amerikane.
Selgjekaj akuzohet se ka marrë hua nga St. Paul Croatian Federal Credit Union gjatë viteve 2003 – 2010 me anë të mashtrimit dhe ryshfetit për oficerët e kredive. Madje disa prej këtyre parave ai i mori gjatë 4 viteve që kaloi në burg për evazion fiskal.
Shumica e huave nuk u paguan kurrë, ndërsa banka falimentoi me 170 milionë dollarë humbje në vitin 2010.
Selgjekaj tha para gjykatës se shumë nga personat që luajtën rol më të madh në falimentin e institucionit financiar kanë marrë dënim më të ulët duke arritur marrëveshje. Avokati mbrojtës i shqiptarit u shpreh se “arkitekti” i falimentit mori një dënim prej vetëm 14 vite burg.
Në vendimin e gjykatës thuhet se, Selgjekaj “abuzoi me besimin” e bankës.
Më shumë se 20 persona janë dënuar nga krimi federal si të lidhur me falimentin e kësaj banke.
Selgjekaj krijonte biznese të rreme që shërbenin si “parajsa të sigurta” për paratë e bankës.
Nga 10 milionë e 600 mijë dollarë që ka dhënë kredi Selgjekaj, ka kthyer vetëm 400 deri në 500 mijë dollarë.
Selgjekaj jeton prej vitesh në SHBA pasi mori azil politik pas largimit nga Shqipëria në vitet 1990.
Përveç dënimit me 25 vite burg, ai duhet të kthejë dhe 16 milionë dollarë.