Mijëra qytetarë janë grumbulluar para Parlamentit ndërkohë që brenda tij vijojnë diskutimet për buxhetin. Ndërkohë protestuesve po iu flasin deputetë të PD-së që janë jashtë Parlamentit.
Sekretari i përgjithshëm, Arben Ristani tha se qeverisë nuk i bën më efekt denoncimi apo qortimi. Nuk vlen më kritika tha ai, vlen protesta.
A ftoi protestuesit të mblidheshin edhe të hënën, duke paralajmëruar më pas se do të vijojnë protestat ditore shumë shpejt. Ai kërkoi qeveri teknike dhe më pas zgjedhje të parakohshme.
Deputeti Oerd Bylykbashi tha se Edi Rama bëri pakt me krimin. Ndërkohë dalja e ndonjë deputeti socialist në oborrin e Parlamentit zemëron edhe më shumë turmën. Një dalje e Rucit është shoqëruar me fërshëllima dhe sharje.
Ndërkohë ra në sy edhe një nga pankartat kryesore në ballin e demonstruesve. “Edi Rama, Kujdes nga veriorët, nga veriorët do të vijë fundi”, lexohet në këtë pankartë.
