Arben Ristani Sekretar i Përgjithshëm i Partisë Demokratike ka thënë se qeveria e Edi Ramës po tregon çdo ditë e më tepër që është e “korruptuar, neopotike, e partiake”. Gjatë një dalje për media ai ka bërë publike disa lista të emërimeve që janë bërë në burgje e ku shihet që këta të punësuar janë tërësisht partiake. Këto vende pune janë ndarë midis militantëve të Partisë Sosialiste dhe të Lëvizjes Socialiste për Integrim. Kjo duket qartë në dokumentin konfidencial të zvëndësdrejtorit të burgjeve Bledar Skënderi drejtuar kryeministrit, dhe që është të bërë publikë nga Ristani. Më tej Ristani ka shtuar se shteti trajtohet si plaçkë dhe “ndahet mes aleatëve si tortë e pushtetit”
.
Deklarata e plotë e Arben Ristanit
Çdo ditë e më tepër, çdo shqiptar po bindet se Edi Rama është në krye të një shteti të korruptuar, kriminal, nepotik e partiak.
Justifikimet e tij për papunësinë në rritje, dhe për pakënaqësinë në rritje ndaj tij edhe brenda partisë socialiste, se ai po bën shtet dhe jo punësime në shtet, janë qesharake dhe nuk ia beson më askush.
Kemi sot këtu, një letër konfidenciale që zëvendësdrejtori i përgjithshëm burgjeve, Bledar Skenderi, ia drejton Edi Ramës, ku tregohet se si, në të vërtetë, kryhen punësimet në shtetin e Edi Ramës.
Ky zyrtar i lartë e informon Edi Ramën se nga tetori i vitit 2013 e deri në gushtin e 2014, nga 762 emërime, vetëm 300 i ka bërë partia socialiste, ndërsa 462 i ka bërë LSI.
Zyrtari i Lartë ankohet se LSI nuk po respekton marrëveshjen për ndarjen e pushtetit.
Ky zyrtar ankohet se disa drejtorë burgjesh, punësojnë njerëz sipas dëshirave të tyre dhe nuk marrin në konsideratëe listën zyrtare me emra që i ka çuar Partia Socialiste.
“Në përgjithësi të gjitha emërimet në stafet drejtuese të policisë së burgjeve (shefa policie dhe oficerë) janë marrë nga jashtë sistemit, njerëz jo me formimin e duhur profesional dhe kjo po cënon rëndë sigurinë në këto institucione”, kështu shprehet zëvendësdrejtori i Përgjithshëm i Burgjeve.
Ai i sugjeron Ramës që Partia Socialiste duhet të marrë nën drejtim burgun e Fierit pasi aty ka 700 vende pune.
Ja pra kush është shteti i Edi Ramës.
Një shtet që trajtohet si plaçkë që ndahet mes aleatëve si tortë e pushtetit.
Një shtet i korruptuar, ku punësimet bëhen ose me firmë të partisë ose me lek nën dorë.
Një shtet kriminal që në këtë rast, ka vënë në rrezik edhe sigurinë në burgje për shkak të babëzisë për të trafikuar vendet e punës sipas interesit financiar dhe partiak.
Pikërisht këtë shtet jemi ngritur ta shporrim, bashkë me shqiptarët.
Partia Demokratike ju ben thirrje, Të enjten në orën 10, të rimblidhemi në dyert e Parlamentit.
Letra e Bldar Skenderit drejtuar Edi Rames
