Ekzekutime me heqje kokash dhe hedhje të homoseksualëve nga ndërtesat e larta e deri te torturat më mizore. Pa ujë dhe rrymë. Kjo është përditshmëria e banorëve të Raqqa, i shpallur kryeqytet i ISIS’it.
“Kam frikë se humb fëmijët e mi, kam frikë për jetën time se mund të më merret për shkak të mos zgjedhjes së rrobave të duhura”, thotë një ish-mësues 37 vjeçar me emrin Mohammed.
“Gjërat kanë ndryshuar nga keq në tmerrshëm nën rregullat e ISIS’it”, thekson ai.
“Ujë kemi por duhet vluar dhe ftohur. Ka fruta, perime dhe bukë, por çmimi është shumë i lartë. Rryma është e paktë dhe ne duhet ta paguajmë sepse aktualisht ka vetëm në disa distrikte të Raqqa’s”, theksoi ai.
Mijëra civilë sikurse Mohammed, nuk kanë lidhje me ISIS, jetojnë në Raqqa dhe nuk mendojnë të ikin.
Femrat nuk mund të dalin rrugëve pa shoqërinë e një burri. E kanë të ndaluar të zbulojnë flokët.
Cigarja është e ndaluar dhe nëse kritikohen këto rregulla dënohesh me vdekje.
