Sipas grupit socialist rregullorja e Kuvendit nuk ndalon familjarët e deputetëve të bëjnë biznes apo të nënshkruajnë kontrata me shtetin për sa kohë në ato biznese nuk kanë kuota vetë deputetët. Ky interpetim ka evoluar në krahasim me argumentin e disa javëve më parë sipas të cilit djali biznesmen i Valentina Leskajt ka marrë vetëm kontrata që janë financuar nga organizata ndërkombëtare apo donatorë të huaj.
Ndërkaq PD ka këmbëngulur se kërkesa e tyre është e drejtë dhe e mbështetur në rregulloren e Kuvendit. Deputeti Arben Ristani deklaroi se do ta dërgonin vendimin e pritshëm të parlamentit në Gjykatën Kushtetuese.
Aktualisht në këtë gjykatë është një tjetër deputet socialist, Koco Kokedhima, për të njëjtën cështje, atë të marrjes së kontratave me shtetin gjatë kohës së të qënit deputet.
Pak vite me parë, deputeti socialist Ilir Beqja u largua nga parlamenti për të njëjtën arsye.
