Kaos me qarkullimin rrugor në Tiranë

Prej disa minutash në Tiranë është keijuar një kaos në qarkullimin rrugor. Në akset kryesore hyrëse të kryeqytetit ka një trafik shumë të rënduar, që ka bërë që lëvizja me automjete të jetë thuajse e pamundur.

Akset në të rënduara janë Rruga e Durrësit deri në qendër, hyrja nga Zogu i Zi drejt Unazës, në të dy krahët e saj, si dhe në rrugën e Kavajës e atë Myslym Shyri.
Mungesa e informacionit por edhe e orientimit nga punonjësit e policisë rrugore e kanë bërë gjendjen edhe më kaotike.
Shkak për bllokimin është bërë edhe një aktivitet që zhvillohet për dhunën ndaj grave e që mbahet në sheshin kryesor të kryeqytetit.
Por ndërkohë, edhe Policia e Shtetit nuk ka marrë masat e duhura për të mbajtur nën kontroll situatën.