Nje grup personash mbahen nen vezhgim prej disa javesh në Shqiperi, si pjese e masave antiterror. Nje liste me emrat e ketyre personave me prirje radikale eshte shperndare per Agjentët e Shërbimit Informativ Shtetëror dhe ato të antiterrorit pranë Policisë së Shtetit, qe pas kercenimeve te para nga ISIS.
ABC Neës mësoi se lidhjet e ketij grupimi personash me besim radikal, vijne nga Kosova dhe Bosnje Hercegovina. Nuk behet e ditur se sa eshte numri i ketyre personave, por ato perbejne nje rrezik potencial konkret, per sulme terroriste ne vendin tone.
Agjentët e sherbimit kanë shtuar masat e vëzhgimit për këtë grup personash, të cilët dyshohet se kanë lidhje me individ të caktuar dhe organizata bamirëse me seli në Bosnjë dhe Kosovës. Këto organizata, dyshohet se kanë hapur degë të tyre edhe në Shkodër e Tiranë, pikërisht në zonën e Kamzës. Lidhjet e tyre shtrihen edhe me besimtare muslimane rezidentë në qytetet e Kavajës, Cërrikut, Pogradecit, Elbasanit dhe Librazhdit. Këto individ, mësohet se janë edhe frekuentues të rregulltë të xhamive të cilat nuk janë nën juridiksionin e Komunitetit Musliman të Shqipërisë.
Burimet thonë se krahas këtyre informacioneve operative në terren, policia ka shtuar masat e sigurisë edhe në pikat e kalimit kufitar të zonave ku mendohet se operojnë këta individë. Policia thotë se pikat e kalimit kufitar të Hanit të Hotit, Muriqanit, Morinës së Kukësit dhe Kapashticës janë zonat ku eshte intensifikuar vezhgimi. Në këto pika të kalimit kufitar, policia thotë se janë angazhuar edhe agjent të SHISH-it të cilët në bazë të informacioneve operative, kanë arritur të listojnë disa emra të personave me rrëzikshmëri apo prirje radikale. Këto individe, sipas policisë, nuk lejohen të dalin nga territory shqiptar. Madje personat qe jane pjese e listes se dyshimeve dhe qe jetojne jashte vendit nuk lejohet ttë hyjnë në territorin shqiptar.
Nga ana tjetër, burimet pranë policisë së shtetit thonë se janë shtuar masat e sigurisë pranë rezidencave të personelit diplomatik dhe të huaj të akredituar në Shqipëri si dhe pranë Ambasadave të tyre. Ata thonë, se informacioni i ardhur nga agjensitë e huaja vënë theksin pikërisht këto ambiente, ndërtesa apo edhe vende ku frekuentohen nga rezidentët e huaj në Shqipëri përbëjnë potencial rreziku. Ajo qe bie ne sy eshte fakti qe përjashtohet mundësia e një sulmi në zona të mbipopulluara nga qytetaret shqiptare.
