BKT ishte banka më e madhe në sistem, sipas aktiveve në fund të tremujorit të tretë, me gati 26% të totalit, e ndjekur nga Raiffeisen. Të dyja bankat kanë parë një rritje të peshës së tyre gjatë këtij viti.
Intesa SanPaolo, me reduktimin e saj, zinte 11% të totalit në fund të shtatorit. Shumë pranë e ndjek Credins, me 10.5% të totalit dhe nëse vazhdohet me këto ritme, Credins mund të bëhet në tremujorin e ardhshëm banka e tretë më e madhe në vend nga aktivet (për nga kreditë dhe depozitat është tashmë).
Bankat greke kanë ulur peshën, si rrjedhojë e tërheqjes së depozitave, ndërsa Societe ka mbajtur të njëjtin pozicion.
Union Bank po i afrohet me shpejtësi NBG Bank, (2.73 dhe 2.81% përkatësisht) dhe pritet të kalojë në bankën e 8 më të madhe në vend, nga aktivet.
Bankat e tjera kanë ruajtur pak a shumë të njëjtat pozicione.
Sistemi ka tre banka, që ndonëse kanë shumë vjet aktivitet, kanë qenë pothuajse pasive dhe kanë më pak se 1% të totalit të aktiveve secila (International Commercial Bank, Credit Bank of Albania dhe United Bank of Albania).
Guvernatori i Bankës së Shqipërisë ka pohuar pak kohë më parë se disa nga bankat e vogla kanë një strategji të daljes nga tregu, por nuk po arrijnë të gjejnë blerës.o.l,monitor
