Lulëzon kontrabanda, doganat dështojnë edhe në tetor – mosrealizimi në 9 muaj 3.5 miliardë lekë

Por çfarë ka ndodhur në doganat shqiptare që sollën reagimin e ashpër të kryeministrit Edi Rama. Doganat janë  institucioni kryesor i cili ka ndikuar në gropën e krijuar në buxhet. Gjatë periudhës janar-shtator  doganat kanë pasur një mosrealizim prej 3.5 miliardë dollarësh. Zërat me mos realimin më të madh janë akciza dhe renta minerare. Rënia e akcizës  shpjegohet me futjen e mallrave kontrabandë si dhe me importin e mallrave që trajtohen me këtë taksë që në dhjetor të 2014 me qellim për t’i shpëtuar rritjes së akcizës gjatë këtij viti.
Mosrealizimi i planit në doganat shqiptare  ka ardhur  i ndikuar nga rënia e akcizës , renta minerare dhe TVSH në import. Një zë me peshë në mosrealizimin në dogana është akciza. Akciza ka mosrealizim të planit prej rreth -3.3 %. Të ardhurat nga akciza janë realizuar  minus 900 milionë lekë me planin. Kjo sipas ekspertëve  shpjegohet me uljen e importit të këtyre mallrave, por njëkohësisht edhe me fenomenin e kontrabandës.
Rënia e konsumit është një ndër faktorët dhe këtë e konfirmon rënia  e nivelit të TVSH-së në import. Në total, rënie e importeve të grup produkteve kryesore  krahasuar me vitin e kaluar kanë sjellë një efekt negative në të ardhurat nga TVSH në masën 2.9 miliardë lekë. Ndërkohë që renta minerale  e ndikuar nga trendi  i çmimeve në tregjet ndërkombëtare ka vazhduar rënien  dhe është nën objektivin  me të pakëtn 43.4 % më pak se viti i kaluar.
Drejtoria e Përgjithshme e Doganave  për 9 muajt e parë të 2015 ka një mosrealizim prej -3.5 miliardë lekë, ndërsa Drejtoria e Përgjithshme e Tatimeve ka një mosrealizim të planit për periudhën prej -0.6 miliardë lekë dhe duket qarte se gropa me e madhe vjen nga mosrealizimi I doganave. Në 9 muajt e parë të këtij viti arkës së shtetit i mungojnë 6.9 miliardë lekë të ardhura tatimore dhe jotatimore, në krahasim me planin e hartuar nga qeveria.