Ministri i ri i Drejtësisë Ylli Manjani, deklaroi sot se do të ketë axhendë agresive për reformën në drejtësi. Sipas ministrit të emëruar vetëm një ditë më parë reforma është në mes dhe se ka ende shumë punë për të bërë. Manjani në deklaratën e tij të shkurtër e vuri theksin tek sistemi gjyqësor duke iu përgjigjur kështu edhe perceptimeve të publikut si edhe të vëzhguesve të sistemit për nevojën e një ndërhyrje në sistem.
Manjani nuk ka dashur të komentojë përcaktimet e tij për Kryeministrin aktual Rama para katër vitesh. Manjani ka qënë një ndër bashkëpunëtorët e ngushtë edhe të Ramës deri në vitin 2010 kur ai u largua nga PS. Më pas ai ishte një nga zërat më kritik ndaj tij qoftë në media ashtu edhe në ngjarje të tjera publike. Gjatë qeverisjes së LSI me PD, Manjani mbajti për disa kohë postin e zëvëndësministrit të Transporteve.
