Meta: Ndryshimet në qeveri?! Tani do takoj kushërirën time

Një takim tjetër ka pasuar atë mes Edi Ramës e Ilir Metës. Kreu i LSI-së ka zhvilluar një takim edhe me Shpëtim Idrizin, kreun e PDIU-së.
Në përfundim të takimit Meta nuk ka bërë asgjë të ditur për qëllimin e tij, por ka shtuar se, “jemi në diskutim që projektbuxheti të kalojë sa më shpejt në Parlament”.
Meta nuk ka pranuar të komentojë as ndryshimet e mundshme në qeveri, duke konsideruar  më të rëndësishëm për momentin, takimin me një kushërirën e ti që u gjend pak metra larg…
“E rëndësishme të bëjmë një buxhet sa më të mirë. Tani do takoj kushërirën time, për të cilën më ka marrë malli”, u shpreh Meta, duke i ikur interesimit të gazetarëve.