Tiranë, në kërkim ndërkombëtarë, arrestohet 38-vjeçari

Është arrestuar nga Policia e Tiranës një 38-vjeçar i shpallur në kërkim ndërkombëtar nga Interpoli. Sipas njoftimit zyrtar të policisë së kryeqytetit, është vënë në pranga Rasim Muja.
Muja është shpallur në kërkim nga Interpol Tirana vetëm dy ditë më parë, pasi gjykata e Perugias e ka lëshuar urdhër arresti për veprat penale të shfrytëzimit të prostitucionit, emigracionit të paligjshëm dhe pjesëmarrje në organizata kriminale.
Materialet ju kaluan Prokurorisë së Rrethit Gjyqësor Tiranë, për veprime të mëtejshme.
Ndërkaq, edhe në Fier është arrestuar një tjetër person shpallur në kërkim ndërkombëtar. Aleksandër Hodaj, 37 vjeç nga Mbrostari është dënuar nga një gjykatë italiane, me 5 vjet e 10 muaj burg.