Gazsjellësi Trans Adriatic Pipeline (TAP) ka përzgjedhur si fituese kompaninë gjermane me qendër në Duseldorf “Salzgitter Mannesmann International GmbH” për shtrimin e rreth 270km tubacione tokësore dhe detare për seksionet në Shqipëri dhe ën detin Adriatik. Por e njëjta kompani do të shtrijë tubacionet edhe në pjesën greke dhe italiane. Kontrata parashikon shtrimin e rreth 170,000 ton tubacione gazi.
Ian Bradshaë, drejtori menaxherial i TAP, tha: “ Do të doja të përgëzoja Salzgitter Mannesmann International për suksesin e arritur në këtë tender, si dhe të falendëroja të gjithë kompanitë pjesëmarrëse. TAP zbaton një program rigoroz në përzgjedhjen e kompanive kontraktuese dhe do të vazhdojë ta bëjë këtë. Ajo i përzgjedh kompanitë në bazë të kompetencave teknike, sigurisë, standardeve, si edhe kritereve të tjera që përputhen me praktikat më të mira ndërkombëtare”.
Sipas tij, TAP parashikon të nisë nënshkruajë edhe kontrata të tjera deri në fund të vitit. Kjo do të bëjë të mundur nisjen e ndërtimit të tubacionit në Greqi, Shqipëri dhe Itali në mesin e vitit 2016, sikundër është planifikuar.
Salzgitter Mannesmann International GmbH është pjesë e grupit “Salzgitter AG Group” që është themeluar në vitin 1859 dhe vlerësohet si një nga kompanitë kryesore në tregun e hekurit në Europë me shitje të jashtem që llogaritën në rreth 9 miliardë euro për vitin 2014. Ndërsa numëron rreth 25,000 punonjës.
