Mbledhja e këshillit të Mandateve vendosi sot për mandatin e deputetit Mark Frroku i cili gjendet në burg që prej gjashtë muajsh. Mbledhja u drejtua nga kryetari i Parlamentit, Ilir Meta.
Për rastin Ndoka, Meta tha se deputeti ka bërë dorëheqjen përvec aktit politik, ndërkohë që sqaroi pas ankesës së avokatit të Frrokut se mbledhja e këtij komisioni bëhet për shkak të rregullores. “Mbledhja e Këshillit të Mandateve nuk është bërë sipas një inicimi për shkak të letrës së deputetit të PD Arben Ristani, por në zbatim të rregullores së Kuvendit”, tha ai.
Zoti Meta tha se kjo mbledhje ishte futur në program para letrës së zotit Ristani dhe se në letrën e tij është folur edhe për mandatin e deputetit Ndoka.
Ristani tha se kjo letër u nis në të njëjtën kohë që erdhi edhe letra për mbledhjen e Komisionit.
Avokati i Frrokut, saimir Visha tha se ne kemi kërkuar që në prill që deputeti Frroku të merrte pjesë në seancat e Kuvendit të Shqipërisë. Ai tha se Mark Frroku ka munguar me arsye për shkak të një mase sigurimi arrest me burg duke mos plotësuar asnjë prej arsyeve pse hiqet mandati i një deputeti, që është një arsye sikur të ishte me raport mjekësor. Pra nuk ka asnjë moment që mungesa e Frrokut të jetë bërë pa arsye.
Nëse Frroku do të fitojë pafajësinë pas një muaji që gjyqi të përfundojë cfarë do të bëni ju si këshill nëse i hiqni sot mandatin, do e bëni sërish deputet, theksoi avokati i Frrokut, Saimir Visha.
