Është arrestuar një shtetas turk në aeroportin e Rinasit. Pasi tentoi të fuste ilegalisht në Shqipëri, 5 anëtarë të një familje turke në mënyrë të paligjshme.
Ai madje ka tentuar të korruptonte edhe personelin e aeroportit të Rinasit, që ta ndihmonin në trafikun që po tentonte të kryente.I arrestuari është Husamettin Yildiz 40 vjeç, lindur në Turqi dhe banues në Ferizaj të Kosovës. Ai akuzohet për korrupsion aktiv të personave që ushtrojnë funksione publike dhe ndihmë të paligjshme për të kaluar kufijtë. Sipas Policisë, turku ishte nisur më datë 16 tetor nga Aeroporti i Stambollit për në Rinas, i pajisur me një pasaportë turke dhe me leje qëndrimi në Kosovë. 40 vjevari shoqëronte një familje turke, me pesë anëtarë, të cilët kishin paguar 5000 euro për të shkuar në Gjermani. Shtetasi Husamettin Yildiz pasi ka kaluar kontrollin policor ka shkuar pas kabinës së punonjësit të Policisë Kufitare në Rinas. Ndihmës kontrollor dhe i ka futur në kabinën ku operonte katër qese që kishin brenda çanta femrash dhe objekte makiazhi femrash duke i kërkuar favorin që të linte të kalonte pa probleme familjen turke prej 5(pesë anetarësh) që ndodhej në radhë për regjistrim pas tij në kabinën e hyrjes për në Shqipëri. Punonjësja e policisë kufitare në vijim ka paraqitur kallëzim pasi ka rënë në kontakt me aktin e mitdhënies dhe tentativës për korruptim. Anëtaret e familjes turke deklarojnë se i kanë paguar në Stamboll shtetasit Turk me emrin Haçi një sasi prej 5000 euro që ai të gjente një person qe do t’i çonte deri në Gjermani ku ishte edhe destinacioni i tyre final me motivin e kërkesës për azil dhe në vijim Haçi dhe një shtetas tjetër turk i kanë prezantuar me Husamettin Yildiz i cili do të bënte shoqërimin e tyre.
