Prononcimin e shkurtër kur gazetarët e pyetën nëse kishte marrë përgjigje nga Basha për shqetësimin e tij mbi disa qëndrime joetike të kryetarëve të degëve, Genc Ruli e dha pas mbledhjes së përjavshme të kryesisë së Grupit Parlamentar.
“Jeta e një partie nuk është lojë gjëegjëzash, por e debatit konstruktiv”, u shpreh Ruli.
Atë ditë Ruli u largua nga salla sepse përgjigjia e kryetarit nuk iu duk e përshtatshme.
Disa ditë kanë kaluar dhe për këtë u pyet edhe kryetari i Partisë Demokratike Basha në Top Story.
Ai e shfaqi si moment krenarie një debat të tillë, duke e përcjëllë si një ndër risitë që Partia Demokratike nuk i ka pasur më parë.
Disa kryetarët degësh lëshuan deklarata fyese ndaj disa deputetëve para disa ditësh, duke provokuar dhe debatin në grupin parlamentar. U kërkua që drejtuesve lokalë t’u tërhiqet vëmendja, në mënyrë që të ruajnë etikën e komunkimit dhe pjesë e debatit të bëhen vetëm çështjet që kanë të bëjnë me organizimin dhe funksionimin e partisë nga baza në qendër.abcnews
