Përplasjet PS – LSI, këshilltari i Metës kritikon kryebashkiakun Erion Veliaj

Këshilltari për Marrëdhëniet me Jashtë i kreut të Kuvendit, Ilir Metës ka kritikuar kreun e Bashkisë së Tiranës, Erion Veliajn për mënyrën e shembjes së ndërtimeve pa leje në Tiranë.
Ralf Gjoni shkruan në FB shqetësimin e tij për mbetjet e ndërtimeve të shembura, të cilat kanë mbetur anës rrugëve dhe askush nuk kujtohet për t’i pastruar.
Në një postim në “Facebook”, Gjoni ironizon Veliajn si person që bën show mediatik.
“Bashkia e Tiranës bën mirë që prish ndërtimet pa leje, por të mos na zërë rrugët me mbetjet e prishjes së tyre, që as nuk marrin mundimin t’i pastrojnë. Apo ikën kamerat u krye lajmi dhe se çan më njeri kokën për to. Kush mendon se tiranasit do të tolerojnë siç bënë me Bashën e ka gabim!”, shkruan Gjoni.