Një personi që u kap duke transportuar kanabis për Greqi iu gjet në shtëpinë e tij edhe kokainë. Policia e Korcës njofton se në vijim të informacionit të datës 19.09.2015, që bën fjalë për arrestimin në flagrance, të shtetasit
Miksel Kita, vjeç 39, të cilit iu gjet dhe sekuestrua, në Pikën e Kalimit Kufitar Kapshticë, një sasi prej
9.8 kg lëndë e dyshuar narkotike Cannabis Sattiva,
sqarojmë se:
Nga ana e Specialistëve të Seksionit kundër Narkotikëve, në Korçë, gjatë kontrollit në banesën e këtij shtetasi, u gjet dhe bllokua në cilësinë e provës materiale : 120 gr lëndë e dyshuar narkotike e llojit Kokainë.
Materialet shtesë i kaluan Prokurorisë të Krimeve të Rënda, në Tiranë.
Po sot në një tjetër qytet, Sarandë, policia bërë të mundur sekuestrimin e 12 KG e 310 gr lëndë narkotike të llojit “Canabis-sattiva”, në Sarandë.
Arrestohen në flagrancë poseduesit e kësaj lënde:
1. Sadik Ogiçi, 59 vjeç, banues në Sarandë.
2. Vasil Nune, 59 vjeç, banues në Sarandë.
Arrestimi i këtyre personave u krye në lagjen nr.1 të Sarandës, në banesën e shtetasit: Sadik Ogiçi.
Gjatë një kontrolli të ushtruar në banesën e këtij shtetasi, shërbimet e Policisë gjetën lëndën narkotike prej 12.310 kg, e cila ishte e vendosur në një thes plasmasi të zi, gati për t’u shitur.
Vasil Nune, punonte si bari për Sadik Ogiçin dhe bashkëpunonte me këtë të fundit në lidhje me këtë vepër penale.
