FOTO/ Dy robotë antieksploziv amerikanë, dhuratë për RENEA-n

Në ambientet e Repartit  Special RENEA , u zhvillua sot një ceremoni  për përfundimin  e kursit  të trajnimit  për Përdorimin e robotit  nga Njësia Antieksploziv si dhe për dhurimin e dy robotëve antieksploziv dhe të një numri të konsiderueshëm jelekësh antiplumb për efektivat e këtij Reparti.
Në ceremoni nga Policia e Shtetit morën pjesë drejtues të Policsë së Shtetit, përfaqësues nga Ambasada Amerikane, si dhe  ICITAP.
ICITAP, në bashkëpunim me Policinë e Nju Xhersit, dhe  Gardës Kombëtare  të Nju Xhersit kanë sponsorizuar kursin një javor për njësinë Antieksploziv në Policinë e Shtetit, për përdorimin e robotit kundër mjeteve  të improvizuara shpërthyese, në mënyrë që të forcohet  aftësia  e tyre reaguese dhe sigurimi i punonjësve  të policisë gjatë procedurave të çaktivizimit.
Gjithashtu Ambasada Amerikane, Policia e Nju Xhersit, dhe  Gardës Kombëtare e Nju Xhersit krahas trajnimit të zhvilluar për ekspertët e njësisë Antieksploziv , i kanë dhuruar kësaj njësie  2 Robotë Antieksploziv si dhe rreth 131 Jelekë Antiplumb për punonjësit e policisë së repartit Renea.
Në fund të ceremonisë,  u bë shpërndarja e çertifikatave për përfundimin e kursit  për 20 efektivë të njësisë Antieksploziv të Repartit Renea.