DEBATI NË KUVEND/ Çfarë mendon dhe thotë Edi Rama për ndërkonmbëtarët dhe Elvis Roshin

Replikat indirekte të një dite më parë mes kryeministrit Edi Rama dhe ambasadorit amerikan në vendin tonë Donald Lu gjatë konferencës për Antidrogën, nuk i kanë shpëtuar debatit ne Kuvend. Ndërsa opozita i ka përmendur sërish kreut të qeverisë se vepron më kokën e tij përballë kritikave që vijnë nga kryediplomatët, Rama i është përgjigjur”
“Së pari, këtë punën e ndërkombëtarëve, për ju jo për mua, mos e përmendni shumë, ky është parlamenti i shqiptarëve, nuk është i ndërkombëtarëve. Unë jam kryeministri i kësaj qeverie, nuk jam as i dërguar i OKB, as ambasador i ndonjë shteti tjetër. Çfarë bëjmë e bëjmë sepse ashtu besojmë dhe ashtu mendojmë, dhe çfarë besojmë ndryshe nga partnerët, dhe nga ju që ju kemi më shumë miq se ta, e besojmë dhe mendojmë ndryshe, dhe nuk e bëjmë”.
Kryeministri Edi Rama i është përgjigjur edhe akuzave të përsëritura të opozitës, për kandidatët dhe kryebashkiakët e inkriminuar. Duke u ndalur te rasti i Elvis Roshit, Rama e ka cilësuar atë si “të zgjedhur nga populli”,
“Ju kujtoni se thoni ndonjë gjë të zgjuar që ju jep pamjen e kalorësve të luftës me krimin kur thoni që ky del në fotografi me kryetarin e Bashkisë së Kavajës. Kryetari i bashkisë së Kavajës është zgjedhur nga populli i Kavajës dhe është aty nga vullneti i qytetarëve. Si ai i Kavajës edhe ai i Fushë Krujës janë të zgjedhur dhe unë nuk kam asnjë problem përkundrazi, të takohem e dal edhe fotografi”, u shpreh Rama.