Dy mediat më të mëdha në vend janë sulmuar sot pasdite nga selia e PD-së për shkak se “me një zell të tepruar dhe jashtë çdo kriteri profesional, Panorama online dhe Balkanweb sulmuan sot me një shkrim anonim Partinë Demokratike duke u përpjekur të mbrojnë qeverinë me një mashtrim diletant”, sikurse thuhet ne njoftimin e PD.
Dy mediat e mësiperme njihen si mbështetëse të PD dhe aseteve të saj institucionale prej vitesh.
Ky është rasti i parë që ndodh një krisje e tillë e hapur mes opozitës dhe medieve me ndikim në vend.
Ja deklarata e PD-sw: “Partia Demokratike denoncoi sot faktin se qeveria ende nuk ka publikuar të dhënat zyrtare për financat e muajit Korrik. Qeveria nuk reagoi sepse ajo i fsheh të dhënat. Ndërsa në vend të qeverisë reagoi Panorama.al dhe Balkanëeb duke pretenduar se ministria e Financave i paska nxjerre këto të dhëna.
Në fakt linku qe servir Panorama.al dhe balkanweb, janë të dhënat paraprake, jo përfundimtare.
Partia Demokratike i referohet këtyre të dhënave paraprake në deklaratën e sotme për shtyp. Shqetësimi ynë është përse qeveria nuk respekton ligjin për të publikuar të dhënat përfundimtare zyrtare, gjë që duhej ta kishte bërë deri me 20 Gusht.
Shkruesi anonim i referohet infos te publikuar në: http://www.financa.gov.al/files/userfiles/Thesari/Treguesit_Fiskal_sipas_Buxhetit_te_Konsoliduar/2015/7m_fiskale_Publikim2.pdf
Partia Demokratike i referohet pikërisht kësaj tabele në deklaratën e sotme. Por denoncon faktin se të dhënat zyrtare përfundimtare mbahen ende të fshehura nga qeveria edhe pse ka kaluar afati ligjor që është data 20 e muajit pasardhës,, pra 20 Gushti.
Opozita kërkon raportimin që duhej të publikohej në: http://ëëë.financa.gov.al/al/raportime/programimi-ekonomiko-fiskal/raporte-dhe-statistika-fiskale-mujore/statistika-fiskale-mujore. Partia Demokratike shpreh keqardhjen për këtë sulm ndaj opozitës bazuar mbi një mashtrim që në fakt nuk mjafton as për të mbrojtur qeverinë”, thuhet ne njoftimin per shtyp.
