Komisioneri i Zgjerimit Johannes Hahn ka dhënë një përgjigje jo fort të këndshme pas një kërkesë që kryeministri Rama bëri për më shumë fonde të BE-së për vendet e Ballkanit e natyrisht për Shqipërinë, përgjatë punimeve të një prej anekseve të Samitit të Vjenës që mbylli punimet sot.
Rama tha gjatë debatit të organizuar nga tri fondacione gjermane dhe austriake se “Ballkani ka nevojë për një qasje strategjike nga ana e Europës, dhe qasje financiare”.
Përgjigja e Komisionerit ka qenë cinike; “Evropa nuk duhet ngatërruar me një bankomat”, ka thënë Hahn, thënie që është replikuar në vijim nga kryeministri serb Vucic, i cili tha se nuk është ky të paktën perceptimi i Serbisë pasi vendi nuk ka marrë ndonjë ndihmë nga BE përvec asaj që lidhje me refugjatët.
Debati rreth mbështetjes financiare të BE-së për Ballkanin kishte të bënte me përfshirjen rajonit në planin Juncker i cili ka marrë emrin propozuesit të tij, Presidentit të BE-së, Jean-Claude Juncker. Ky program parashikon deri në 2016 shpenzimet publike dhe private shtesë në infrastrukturë në shuma që shkojnë në 315 miliardë euro.
Në përfundim të samitit të Vjenës për vendet e Ballaknit që nisi një vit më parë më 28 gusht 2014 në Berlin, pjesëmarrësit ranë dakord për të forcuar bashkëpunimin në infrastrukturë. Kjo vlen edhe për projektet e energjisë dhe të rrugëve të tilla si ndërtimi i një autostrade në mes të Nishit në Serbi, Prishtinës në Kosovë dhe Durrësit në Shqipëri.
