Pjesa e tretë e rrëfimit të motrave Kajtazi, në vidoen e radhës xhiruar në ditët e arratisë i dedikohet disa gjëra shtesë, që si pranojnë edhe vetë kanë harruar t’i thonë në dy videot e para.
Ato akuzojnë motrën e madhe, për të cilën thonë se është me të meta mendore.
“Për këtë mund të pyesni edhe të fejuarin e saj, dhe vjehrrën që pasi u nda, i thanë mamit dhe babit që çojeni te një psikolog se nuk është në rregull dhe vetëm bërtet”, thonë motrat.
Rrëfimi i motrave Kajtazi
Prindërit tanë nuk e besuan dhe nuk e çuan, pastaj me pas thoshin po është me te meta.
Prindërit mua me kane rrahuar, me kane gjuajtur kam dëshmitar ish-vjehrrën dhe kunatin, kur u ndava nga i fejuari, që morën vesh se e kisha tradhtuar, motra e madhe bashkë me babin më rrahën më gjuajtën dhe erdhi edhe mami aty për te me rrahur.
Kam pasur shenja në fytyrë dhe i kam treguar një shoqes time të klasës me iniciale C. F. Për të vërtetuar që mua më kanë rrahur kam dëshmitare një shoqen time me iniciale A. P., që më ka parë vjet me shenja në trup, edhe një shoqen time me inicialet D. M., që më ka parë sivjet me shenja në trup dhe psikologen e shkollës që i kam thënë gjithçka, në lidhje me motrën time të madhe që më ka thënë se do më vrasi. Dhe që kam ikur vetëm unë nga shtëpia atëherë dhe që kam ardhur vetë për shkak të premtimeve që më kanë bërë prindërit dhe më fejuan me zor, tezja më ka parë me shenja në trup.
Tezja që jeton aty afër të dëshmojë dhe kushërira jonë më ka parë kur më ka rrahur babi. Është gënjeshtër kur mamaja thotë se na ka mbajtur afër, gënjen gënjen. Mamasë nuk i thoshe dot as probleme femrash, se gjithçka shkonte ja thoshte babit dhe do na rrihte.
Po të duan t’i mohojnë që na kanë rrahur, se janë të gjitha të vërteta. Pyetini këta njerëz që ju thamë. Babi është një copë gënjeshtari, një copë mashtruesi, si ato gratë e këqija. Çojini në psikiatri, provojeni që ata janë me të meta mendore. I bëjmë thirrje policisë që të mos hedhin dyshime vetëm mbi neve, por të bëjnë hetime më të detajuara dhe të pyesin dëshmitarët që thamë ne. Nuk kthehemi në familje, më mirë e vdekur se sa e gjallë kthehemi në familje. Ata do thonë kthehuni se nuk ju rrahim, sa të shkojmë në shtëpi ose do na rrahin, do na vrasin e do na hedhin në ndonjë kanal, e do thonë ikën vetë. Më mirë vras veten se sa të kthehemi në shtëpi. Shpresoj të na kuptoni dhe të na besoni sepse këto janë të vërteta.
