Bie hidroavioni në anën malazeze të Liqenit të Shkodrës

Një hidroavion është rrëzuar në zonën malazeze të Liqenit të Shkodrës. Mesa duket, hidroavioni ishte ulur në liqen për të mbushur ujë me qëllim shuarjen e zjarreve, por ka pësuar një defekt dhe ka rënë në liqen. Ndërsa piloti i hidroplanit, me iniciale B.S nuk ka pësuar dëmtime. Lajmi është konfirmuar nga Ministria e Brendshme malazeze, e cila ka bërë me dije se avioni i përkiste kësaj ministrie dhe po përdorej me qëllim për shuarjen e vatrave të zjarrit, ndërkohë që kanë nisur hetimet për të përcaktuar shkaqet e aksidentit.