Fier, ktheheshin nga festa, shpejtësia shkakton një të vdekur e dy të plagosur pas një përplasje automjetesh

Një aksident me një të vdekur dhe dy të plagosur ka ndodhur në orët e para të mëngjesit të sotëm në Fier.
Dy automjete me targa AA 638 CZ dhe  AA 200 JU janë përplasur në vendin e quajtur ‘Liqeni’, në aksin rrugor Fier-Levan.
Sipas policisë e cila shkoi në vendngjarje, mësohet se viktima është Kujtim Guci 65 vjeç, ndërsa të plagosurit identiteti i të cilëve ende nuk bëhet i ditur janë jashtë rrezikut për jetën.
Të njëta burime saktësuan se të plagosurit dhe viktima janë familjarë të cilët udhëtonin drejt qytetit të Vlorës, pas një feste që kishin pasur në Fier.
Shkak i aksidentit dyshohet se ka qenë shpejtësia tej normave të lejuara.
Policia ka nisur hetimet për zbardhjen e plotë të shkaqeve.