Presidentja e Kosovës Atifete Jahjaga nderoi sot këngëtaren kosovare me famë botërore, Rita Ora me medaljen presidenciale “Ambasador Nderi i Kosovës”.
Dorëzimi i medaljes u bë të premten me një ceremoni në ambasadën e Kosovës në Angli, ku i pranishëm ishte edhe ish-kryeministri britanik, Tony Blair.
Thanë:
Atifete Jahjaga: Rita shpreh atë çfarë ne jemi si komb, atë çfarë kemi kaluar dhe çfarë mund të arrijmë kur na jepet mundësia.
Rita Ora: Jam rritur në Britani, vend i cili më dha shumë, për çka i jam mirënjohëse. Por, unë gjithmonë do të kem një vend të veçantë në zemrën time për Kosovën, vendin e lindjes time. Jam shumë e lumtur që jam në gjendje të udhëtoj nëpër botë dhe të ngre vetëdijen për vendlindjen time dhe t’i tregoj botës se çfarë vendi i bukur është dhe sa mikpritës janë njerëzit atje.
