Janë publikuar nga A1 report pjesë nga ballafaqimi pa praninë e prokurorit ndërmjet Durim Bamit atentatorit të Tom Doshit, vëllai të Durimit dhe vetë deputetit Tom Doshi.
Pamjet fillimisht tregojnë pamje ku Durim Bami takohet me vëllanë e tij, Valter Bamin. Në pamje duket , Durim Bami që porosit të vëllanë të mos flasë për shkak të përgjimit të ambientit.
Më pas në zyrën ku është Bami futet Tom Doshi i shoqëruar nga prokurori Andan Xholi. Doshi ishte i pajisur me një kamerë tjetër për të cilën kish dijeni dhe prokuroria. Xholi qëndron pak me të dy dhe më pas ikën nga zyra.
Ja cila është biseda mes tyre që është transmetuar nga a1 report.
Doshi: E mira me diftu vetëm të vërtetën, mu s’më intereson kurr gjë në kuptimin e kësaj, kjo është, du të them këtu të vërtetën, s’du kurr gjë, si ka ardh Rezi, si është vu eksplozivi, kaq, ti je dëshmitarë.
Bami: Këta janë gjana që nuk, janë gjona që i kena, të montume, të modifikume siç e dimë unë e ti vetë.
Doshi këmbëngul se ka bërë publik versionin që i ka treguar Bami për atentatin, ndërsa bami i përgjigjet se e vërteta është siç e kanë bëra ata.
Doshi: Unë po ta them se janë mundësitë me kallëzu të drejtën, s’du kurrë gjë prej teje.
Bami: E drejta kjo është skam çka me kallzu tjetër.
Gjatë transmetimit një pjesë e komunikimit bëhet me gjeste
