Nasip Naço “dorëzon” te koncensionari përmbarimin shtetëror

Një koncesion me një shtrirje kohore prej 20 vitesh dhe ku priten të investohen në formën e shërbimit miliona euro, është duke u zhvilluar nga ministri i Drejtësisë Nasip Naço. Koncesioni ka si synim të privatizojë për 20 vite shërbimin shtetëror përmbarimor.
Procedura mësohet të jetë hapur që prej datës 19 qershor ndërkohë sipas burimeve të ministrisë, ofertat e fundit për këtë koncesion 20 vjeçar vlejnë deri në 20 korrik të kwtij viti.
Burime pranë ministrisë së Drejtësisë i thanë gazetës “Shqiptarja.com” koncesioni i këtij shërbimi do ketë si qëllim vetëm ekzekutimin e vendimeve penale me gjobë, vendimeve për shpenzimet proçeduriale në të gjitha fazat e procedimit penal si dhe detyrimin civil që shpesh herë gjykata merr në një vendim penal.